Samarqanda xalqaro aeroportida bojxona xodimlari Istanbulga parvoz qilayotgan yo‘lovchilardan biri 2 dona qadimiy tilla tangalarni yashirincha olib chiqib ketayotgan vaqtida fosh qilishdi.

Tangalar 1923-yilda Turkiya jumhuriyatida zarb qilingan 100 kurush va 65 kurush ekanligi aniqlandi. Ularning taxminiy qiymati dastlabki hisob-kitoblarga ko‘ra 15 mln so‘mni tashkil qilmoqda.

Eslatib o‘tamiz, O‘zbekistondan yaratilganiga 50 yildan oshgan madaniy boyliklar, shu jumladan numizmatika ashyolarini olib chiqish mumkin emas.

Ўзбекистон ва Қозоғистон болалар саратони бўйича Халқаро академик хаб ташкил қилади

Тошкентда бўлиб ўтган «Болалар учун мулоқот: Марказий Осиё ва ЮНИСЕФ» юқори даражадаги конференцияси доирасида Қозоғистон соғлиқни сақлаш вазири Акмарал Алназарова ва Ўзбекистон соғлиқни сақлаш вазирлари Асилбек Худоёров ўртасида музокаралар бўлиб ўтди.

Томонлар соғлиқни сақлаш соҳасидаги ҳамкорликнинг устувор йўналишлари, жумладан, тиббий хизматлар сифатини ошириш, тиббий ёрдам кўрсатишда тажриба алмашиш, бирламчи тиббий-санитария ёрдами бўйича мамлакатлар коалицияси доирасида ўзаро ҳамкорлик, шунингдек, Оролбўйи аҳолиси саломатлигига таъсир этувчи экологик омилларни комплекс ўрганишга қаратилган қўшма илмий лойиҳаларни муҳокама қилдилар.

Мулоқот чоғида болалар саломатлигини муҳофаза қилиш масалаларига алоҳида эътибор қаратилди. Қозоғистон болалар саратони бўйича Халқаро академик марказ яратишни таклиф қилиб, уни амалга оширишда фаол иштирок этишга тайёрлигини билдирди.

Шунингдек, Миллий илмий онкология маркази негизида Катталар онкологияси ва онкогематологияси бўйича халқаро хаб, шунингдек, UMC юрак маркази негизида болалар кардиожарроҳлиги халқаро хабини ташкил этиш, жумладан, қорақалпоғистонлик болаларга ёрдам кўрсатиш имкониятларини ҳам таклиф этилди.

Учрашув якунлари бўйича жорий йилда Ўзбекистонда қозоқ тиббиёти кунлари ва 2026 йилда Қозоғистонда ўзбек тиббиёти кунларини ўтказиш бўйича келишувга эришилди.

Томонлар, шунингдек, соғлиқни сақлаш соҳасида Халқаро хаб ташкил этиш таклифини қўллаб-қувватладилар.

https://kazpravda.kz/n/kazahstan-i-uzbekistan-dogovorilis-sozdat-akademicheskiy-hab-po-detskomu-raku/