Taniqli rejissyor Devid Linch vafot etdi
Gollivud rejissyori Devid Linch 79 yoshida vafot etdi. Bu haqda uning oilasi ma’lum qildi.
2024-yilda Devid Linch tuzalmas dardga chalinganini, film suratga olgan taqdirda ham, faqat masofadan ishlashi mumkinligini ma’lum qilgandi.
«Menda uzoq yillar davomida tamaki chekish oqibatida o‘pka emfizemasi paydo bo‘ldi, o‘zimga yoqadimi-yo‘qmi, endi uyga bog‘lanib qolganman. Ko‘chaga chiqa olmayman. Ozgina yura olaman, xolos, uyog‘iga havo yetishmaydi», — degandi u.
Devid Linch (1946-yilning 20-yanvarida Montana shtatining Missoula shahrida tavallud topgan) — amerikalik rejissyor, ssenariynavis, rassom va bastakor. «Oskar», «Oltin palma yaprog‘i» va «Oltin sher» mukofotlari sohibi, zamonaviy seriallar yo‘nalishiga katta ta’sir ko‘rsatgan «Tvin Piks» serialini suratga olgan. Shuningdek, «Fil-odam» (1980), «Dyuna» (1984), «Malholland Drayv» (2001) kabi filmlari bilan mashhur.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter
Izohlar mavjud emas