Ichimliklarni to‘g‘ri iste’mol qilish rejimi inson uchun juda muhim, chunki u kun davomida tananing suv-tuz balansini saqlashga yordam beradi. Bunday holda, nafaqat ichimliklarni tanlash, balki ularni iste’mol qilish vaqti ham muhimdir. Bu haqda gastroenterolog Natalya Slyunyayeva ma’lumot berdi.

Mutaxassisning ta’kidlashicha, yotishdan oldin ichilgan ichimlik suvi toksinlarni chiqarib tashlashga yordam beradi va oshqozon-ichak trakti faoliyatini yaxshilaydi. Biroq, suyuqlikni noto‘g‘ri qabul qilish uyqusizlik, shishish va tez-tez peshob kelishiga sabab bo‘lishi mumkin.

Bu muammolarni oldini olish uchun siz bir nechta qoidalarga amal qilishingiz kerak.

Xususan, oxirgi stakan suvni yotishdan 1,5-2 soat oldin ichish kerak. Keyin odam uyquga ketishidan oldin tanadagi ortiqcha suyuqlikni olib tashlash uchun vaqti bo‘ladi. Bu shish paydo bo‘lishi va buyraklar faoliyatining buzilishining oldini olishga yordam beradi.
Kechasi ichimliklar tanlashda mutaxassis o‘simlik choylari, shakarsiz sharbatlar va sut mahsulotlari ichishni maslahat berdi. Uyqu sifatiga salbiy ta’sir ko‘rsatishi mumkin bo‘lgan kofe va alkogol ichimliklardan ham voz kechishingiz kerak.