Yangi Suriya: eski konstitutsiya bekor qilindi, «Baas» partiyasi tarqatib yuborildi, 8-dekabr — bayram
Suriyaning yangi hukumati 2012-yilgi konstitutsiya o‘z kuchini yo‘qotganini ma’lum qildi. Bu haqda harbiy amaliyotlar boshqarmasi bayonot berdi.
«2012-yilgi konstitutsiya hamda favqulodda tartibda qabul qilingan barcha qonunlar bekor qilinadi», — deyiladi bayonotda.
Shuningdek, 8-dekabr «buyuk Suriya inqilobi g‘alabasi» sharafiga milliy bayram deb e’lon qilindi.
Suriyaning yangi hukumati yetakchisi Ahmad ash-Shar’a o‘tish davrida mamlakat prezidenti vazifasini bajaradi, deyiladi bayonotda.
Yana bir jiddiy siyosiy voqea — Suriyada 60 yildan ziyod hukmron bo‘lib kelgan «Baas» partiyasi tarqatib yuborildi.
Reuters manbasiga ko‘ra, yangi hukumat Rossiyadan Suriyaning sobiq prezidenti Bashar Asadni topshirishni so‘ragan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter