Iguain futbol bilan xayrlashadi
Madridning «Real», Turinning «Yuventus» klublari sobiq hujumchisi, hozirda «Inter Mayami»da to‘p surayotgan 34 yoshli Gonsalo Iguain futbolchilik faoliyatiga shu yil — MLS mavsumi oxirida yakun yasaydi. Bu haqda uning otasi ma’lum qildi.
«Gonsalo menga shu yil oxirida futbol o‘ynashni bas qilishini aytdi. U keyin ham hayotini futbol bilan bog‘lashini istardim. Bilimi bor, ko‘p jamoalarda o‘ynagan, muvaffaqiyatga erishish hamma narsasi yetarli», — uning otasining so‘zlarini keltirdi «TNT Sports».
Gonsalo Iguain — «River Pleyt» (Argentina) tarbiyalanuvchisi, keyin «Real Madrid»ga o‘tgan. Shuningdek, Yevropaning «Napoli», «Milan», «Chelsi» klublarida to‘p surgan, eng omadli jamoasi — «Yuventus», turinliklar safida 149 o‘yin o‘tkazib, 66 ta gol urgan, 16 ta golli uzatma muallifiga aylangan.
Argentina terma jamoasida (2009–2018-yillar) 75 o‘yin o‘tkazib, 31 ta golni nishonlagan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter