Shveysariya prezidenti dunyoni «jiddiy inqiroz»dan ogohlantirdi
Shveysariya prezidenti Alen Bersetga ko‘ra, dunyo Ukraina urushi tufayli jiddiy inqirozga yuz tutmoqda.
Bu Ikkinchi jahon urushidan keyingi eng katta inqiroz bo‘lishi mumkin.
Berset Nyu-Yorkda BMT Bosh Assambleyasining 78-sessiyasidagi nutqida vaziyatga shunday baho berdi. Davlat rahbari Rossiyani Ukrainada urush boshlash orqali «xalqaro huquq va xalqaro institutlarga hujum qilishda» aybladi.
Shveysariya rahbariga ko‘ra, Rossiyaning bu ishi dunyodagi mavjud tartibga jiddiy zarar yetkazishi mumkin.
Eslatib o‘tamiz, 2022-yil 24-fevralda Rossiya kuchlari Donbass aholisini himoya qilishni ro‘kach qilgan holda Ukraina hududlariga hujum boshlagandi. Harbiy harakatlar hanuz davom etmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter