Tramp amerikaliklarga pandemiyadan so‘ng «oltin davr» va’da qildi
AQSh prezidenti Donald Tramp «Twitter»da qoldirgan xabarida chekilayotgan mashaqqatlar ortidan mamlakatga «oltin davr» kelishiga va’da berdi. Shuning barobarida isyonlarni noxolis yoritayotgan «yolg‘onchi OAVlar»ni tanqid qilib o‘tdi.
«Yolg‘onchi OAVlar Portlend va Sietldagi «isyonchilar»ni ajoyib, beozor, beayb, shunchaki sayrga chiqqan odamlar qilib ko‘rsatishga urinishyapti. Aslida ular kasal va telba anarxiyachilar va tashviqotchilar», — deb yozdi Tramp.
Tramp bo‘lg‘usi saylovlardagi raqibi Jo Baydenni ham ayab o‘tirmadi: «So‘llar qo‘g‘irchog‘i» deb ta’rifladi.
«Bozorlar qulab, shaharlar o‘t ichida qoladi. Mamlakatimiz misli ko‘rilmagan talafotga uchraydi», — Tramp o‘zining o‘rniga Bayden hukumat tepasiga kelsa AQSh kelajagini shunday ko‘rmoqda.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter