14 йил аввал изсиз йўқолган Ўзбекистон фуқароси Қозоғистондан топилди
14 йил олдин, 2008 йилда бедарак йўқолган Ўзбекистон фуқароси Қозоғистон пойтахти Нур-Султондан топилган. Бу ҳақда шаҳар полиция департаменти хабар берди.
Айтилишича, 39 ёшли аёл рейд тадбирлари пайтида топилган. У ишлаш учун Олмаотага борган, кейин Чимкент ва Қизилўрдада ҳам ишлаган. Аёл ҳужжатларини йўқотиб қўйгани учун қариндошлари билан алоқага чиқа олмаган.
Шунча йил давомида бу аёл нима иш тўғри келса, ишлайверган: уй хизматкори, кафе ва бошқа биноларда фаррош. 2021 йил ёзида Нур-Султонга кўчиб борган.
Қозоғистон миграция хизмати ходимлари аёлга вақтинчалик ҳужжат беришган. Бир ой давомида у бемалол ватанига қайтиши мумкинлиги айтилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter