АҚШ Россияда бўлиб турган фуқароларини жиддий огоҳлантирди
AҚШнинг Москвадаги элчихонаси Украинадаги уруш туфайли Aмерика фуқароларига Россияга бормасликни тавсия қилди. Бу ҳақда дипломатик миссия сайтида эълон қилинган баёнотда айтилади.
«Россия ҳарбий кучларининг Украинага кутилмаган тўлиқ миқёсли бостириб киришининг эҳтимолий оқибатлари туфайли ушбу мамлакатга саёҳат қилманг», — дейилади AҚШ элчихонаси баёнотида.
Элчихона, шунингдек, Россияда яшаётган ёки бўлиб турган AҚШ фуқароларини уни «зудлик билан тарк этишга» чақирди.
AҚШ дипломатик миссияси, шунингдек, Россия ҳукумати Россия-Aмерика фуқаролигига эга бўлган шахсларни «AҚШ фуқаролигини тан олишни рад этиши», «уларнинг AҚШ консуллик ёрдамидан фойдаланишига йўл қўймасликлари, ҳарбий хизматга сафарбар қилишлари, Россиядан чиқиб кетишларига йўл қўймасликлари» мумкинлигини таъкидлайди.
Уларнинг қўшимча қилишича, дипломатларнинг америкаликларга Россияни тарк этишига ёрдам бериш имкониятлари жуда чекланган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter