Байден Путинни сўкди. Кремль буни «АҚШ учун уятли» деб атади
Кремль матбуот котиби Дмитрий Песковнинг айтишича, Жо Байденнинг Владимир Путин ҳақидаги янги баёнотлари АҚШ учун шармандали ва уятли, бу билан Россия президентини издан чиқара олишмайди.
«Жаноб Байден ички сиёсий манфаатлар учун Голливуд ковбойи услубидаги хатти-ҳаракатларини намойиш қилаётгани аниқ. У буни жуда хоҳлайди, лекин ўхшата олмайди», — деди Песков.
АҚШ президенти чоршанба куни Сан-Францискода ўтказилган тадбир чоғида Россия президентини «crazy SOB», яъни «ақлдан озган ... боласи» деб атади.
Байден, шунингдек, ядровий можаро таҳдиди ҳақида ҳам гапирган.
«АҚШ давлат раҳбарининг оғзидан чиққан бундай бемаъни гаплар қандайдир тарзда бошқа давлат раҳбарини, хусусан, президент Путинни издан чиқариши даргумон», — деди Песков. — «Аммо бу мамлакатнинг ўзи учун, яъни Қўшма Штатлар учун жуда шармандали ҳол».
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter