Буюк Британияда 13 боланинг онаси ва ҳомиладорлик ҳақидаги шоу юлдузи Мэнди Гарднер ўз жонига қасд қилди. Бунга аёлни нима мажбур қилгани номаълум, деб ёзади «The Sun».

43 ёшли британиялик хонимнинг мурдаси апрель ойида Уэртингда уйи яқинидан топилган. Бироқ оиласи содир бўлган ҳодиса тўғрисида ярим йилдан сўнг маълум қилди. Таъкидланишича, фожиадан сал олдин «Ажойиб ҳомиладорлик» телешоуси юлдузи суиқасд ҳақида сўз очган.

Аёл ва унинг турмуш ўртоғи 2016 йили шоу эфирида пайдо бўлишган. Ўшанда уларнинг 11 нафар фарзанди бўлган, Гарднер эса 12-боласига ҳомиладор бўлган. Эр-хотин оилавий юмушлари ҳақида сўзлаб беришган.

«Ҳомиладорликларнинг ҳаммасини ҳам режалаштирилган деб бўлмайди, бироқ уларнинг ҳар бирини хурсандчилик билан қабул қилганман», — дея тан олган кўп болали «қаҳрамон» она. Унинг сўзларига кўра, баъзида уларнинг уйида тартибсизликлар ҳукмронлик сурган: болалар итнинг ортидан югуришади, катталар эса болаларнинг.

Гарднер шахсий хэштеги ёрдамида ижтимоий тармоқларни ҳам юритган. У ўзининг катта оиласи ва фарзандларига нисбатан меҳр-муҳаббати ҳақида постлар қолдирган.