Дунёдаги энг кекса президент ғойиб бўлди
Дунёдаги энг кекса амалдаги давлат раҳбари — Камерун президенти Пол Бия мамлакатдан чиқиб кетганига икки ой бўлди. Шундан бери дараги йўқ, бу эса президентнинг соғлиғи ҳақида турли саволларни келтириб чиқармоқда, деб ёзмоқда ABC News.
93 ёшли Бия 1982 йилдан бери Камерунга раҳбарлик қилиб келади. У 7 июн куни мамлакатни тарк этган. Ўшанда президент маъмурияти давлат раҳбари Европага «қисқа муддатли шахсий ташриф» билан йўл олганини маълум қилган.
Бироқ Биянинг сафари кутилганидан анча узоққа чўзилди. Натижада унинг хорижда бўлиш муддати президентлик давридаги энг узоқ сафарларидан бирига айланди.
ABC News ёзишича, Биянинг соғлиғи бир неча йилдан бери жамоатчилик эътиборида бўлиб келмоқда. Президент Франция ва Швейцарияда узоқ вақт қолиб кетиши билан ҳам танилган.
Шу билан бирга, Камерунда давлат бошқарувининг айрим вазифаларини амалда Биянинг партияси ва оиласига яқин шахслар бажариб келаётгани айтилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter