Андроид қурилмалар учун Xabar.uz мобил иловаси. Юклаб олиш ×

Горбачёв АҚШнинг бўлғуси президентига маслаҳат берди

Горбачёв АҚШнинг бўлғуси президентига маслаҳат берди

Фото: «РИА Новости»

Собиқ иттифоқ президенти Михаил Горбачёв «Times»га берган интервьюсида АҚШ президентлиги учун сайловларнинг бўлғуси ғолибини, пайсалга солмасдан, РФ президенти Владимир Путин билан учрашув ўтказишга чақирди. Бу ҳақда «РИА Новости» хабар берди.

Горбачёв ядровий қуролланиш пойгаси назоратдан чиқиб кетишидан хавотирда.

«Вазият ўта таҳликали. Сайлов натижаларидан қатъи назар, ҳозирги музлик давридан чиқиш учун мулоқотни тиклашимиз керак. Бунинг учун ҳар икки мамлакат президентларидан кучли ташаббус талаб этилади», — деди собиқ президент.

Горбачёвга кўра, Россия ва Қўшма Штатлар «иккинчи Рейкьявик»ни ўтказишлари шарт (у Рональд Рейган билан 1986 йили Исландияда ўтказган учрашувини кўзда тутган).

«1980-йиллар ўрталарида Совет иттифоқи ва АҚШ ўртасидаги муносабатлар ҳозиргидан анча мураккаб эди. Шунга қарамай, ўзаро ишонч, тушуниш, мулоқот орқали муаммога ечим топа олганмиз», — таъкидлади Горбачёв.

Собиқ президент АҚШнинг янги ядровий қурол яратиш борасидаги режаларидан қаттиқ ташвишланаётганини ҳам билдирди.

АҚШда президентлик сайлови 2020 йилнинг 3 ноябрь куни бўлиб ўтади: иккинчи муддатга номзодини илгари сураётган Дональд Трамп Демократлар вакили Жо Байденга қарши курашади.

Маълумот учун: Стратегик ҳужум қуроллари (СНВ-3)ни қисқартириш ҳақидаги шартнома АҚШ ва Россия ўртасидаги қуролланишни чеклашга қаратилган амалдаги ягона ҳужжат. Унинг амал қилиш муддати 2021 йилнинг 5 февралида тугайди. Путин ушбу шартномани ортиқча шартларсиз яна беш йилга узайтириш таклифини берган. Оқ уй эса шартномага Хитойни ҳам қўшиб, Москва, Пекин ва Вашингтон янги уч томонлама шартнома тузиши тарафдори. Хитой эса бунга қарши.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг