Politico журнали Владимир Путинни «йилнинг омадсиз одами» деб топди
АҚШда нашр этиладиган нуфузли Politico журнали Россия президенти Владимир Путинни «йилнинг омадсиз одами» деб эълон қилди.
Politico нашри 2022 йилда Европанинг энг нуфузли одамлари рейтингига 28 нафар сиёсатчини киритди. Журнал Путинни Европадаги энг таъсирга эга президентлар рўйхатининг «хаёлпарастлар» бобида 28-ўринга қўйди.
«Владимир Путиннинг буюк Россия ҳақидаги орзуси амалга ошиши даргумон. Унинг Украинага кенг кўламли ҳужум бошлагани бу орзуни парчалай бошлади. Бу Россияни 3-даражали мамлакатга айлантириб қўйди. Унинг ўрнида бошқалар бўлганида талафотларни қайд этган ҳолда чекинган бўлар эди, бироқ Путиннинг ўжарлиги туфайли урушнинг чўзилиб кетиш эҳтимоли бор. Европа учун бу яна иқтисодиёт ва сиёсатга таъсир кўрсатадиган жиловлаб бўлмайдиган инфляцияни, энерготашувчиларга нархнинг ўсишини, ўғит ва газ етишмовчилигини англатади», дейилади мақолада.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter