Андроид қурилмалар учун Xabar.uz мобил иловаси. Юклаб олиш ×

Қонундаги ўғри коронавирусдан вафот этди

Қонундаги ўғри коронавирусдан вафот этди

Фото: Ижтимоий тармоқлар

Қонундаги ўғри Сачино Гегечкори (криминал доираларда Сачино) Санкт-Петербург касалхоналаридан бирида коронавирусдан вафот этди, деб ёзмоқда «Прайм Крайм». Сачино жиноят оламининг энг йирик вакиллари орасида COVID-19 қурбонига айланган биринчи одам бўлди.

Сачино асосан Петербургда қўним топган бўлса-да, қўли Шимолий Кавказга ҳам етган. Ўзи каби қонундаги ўғрилар — Тахи ва Петровичларнинг чўқинтирган отаси эди у. Россия шимолий ҳудудларида биронта «тож кийдириш маросими» Сачинонинг иштирокисиз ўтмаган.

Нашр ёзишича, 70 ёшли Сачино бу йил оламдан ўтган қонундаги ўғриларнинг олтинчиси бўлди.

Жиноят оламининг МДҲ ҳудудларидаги икки йирик вакили — Ислом Эдильгиреев (Катта Ислом) ва Владимир Дрибний (Полтава) 15 май куни — бир кунда вафот этганди. Эдильгиреев қон босими ошиб кетишидан, Дрибний саратон хасталиги оқибатида ҳаётдан кўз юмган. Катта Ислом — чечен, Полтава — украин эди.

Изоҳлар

Изоҳ қолдириш учун сайтда рўйхатдан ўтинг

Кириш

Ижтимоий тармоқлар орқали киринг