Россиялик таниқли амалдор Аман Тулеев вафот этди
Кемерово вилоятининг собиқ губернатори (1997 йилдан 2018 йилгача) Аман Тулеев 79 ёшида вафот этди. Бу ҳақда вилоятнинг амалдаги раҳбари Сергей Цивилев хабар берди.
Тулеев Кемерово вилоятини 20 йилдан ортиқ бошқарган ва Россия губернаторлари орасида «энг узоқ вақт тахтда ўтирган»лардан бири ҳисобланади.
Тулеев ўз вақтида президентликка номзод (1991 йилда) бўлган, кейинроқ МДҲ ишлари вазири илк марта 1997 йилда вилоят раҳбари сайловида қатнашган ва 94 фоиз овоз олган. Кейинчалик, у доимий равишда сайловларда 90 фоиздан кўпроқ овоз олган.
2018 йилнинг 25 март куни «Зимняя вишня» савдо марказида 64 киши ҳалок бўлган ёнғин губернатор фаолиятига қаттиқ зарба бўлди. Ёнғиндан кейин Тулеев фожиа содир бўлган жойга келишдан бош тортган. Кейинроқ Кемеровода давлат раҳбари иштирокида бўлиб ўтган йиғилишда губернатор Владимир Путиндан содир бўлган воқеа учун узр сўрайди. 1 апрель куни у истеъфога чиқиш ҳақида ариза берган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter