Трамп президентликдан кетиш шартини маълум қилди
АҚШ президенти Дональд Трамп демократлар партиясидан номзод Жо Байден ҳалол ва қонуний равишда сайловларда ғалаба қозонса, президентлик лавозимини тарк этишига тайёр эканлигини билдирди. Бу ҳақда «Fox News» телеканали бошловчиси Хералдо Ривера амалдаги давлат раҳбари билан суҳбатлашгандан сўнг хабар берди.
«Трамп менга реалист эканлигини ва тўғри йўл тутишини айтди», — деди Ривера. Унинг таъкидлашича, вазият Трампнинг фойдасига ҳал бўлмаганда барча қонуний берилган овозлар ҳисоблаб чиқилиб, ноқонунийлари рад этилса, у Конституцияга амал қиладигандек таассурот қолдирган.
Журналистнинг фикрича, Байден ғалаба қозонгудек бўлса, Трамп уни ағдариб ташлашни режалаштираётгандек тасаввур уйғотган.
«Трамп хафа, лекин ҳалиям кучли. У натижа адолатли эканлигига ишонч ҳосил қилиш учун қўлидан келган барча имкониятни ишга солмоқчи», — дея изоҳлади Ривера.
Бошловчининг сўзларига кўра, Трамп 2024 йилги президенлик сайловларида ҳам иштирок этмоқчи.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter