Ўзбекистон бўйлаб тезкор тадбирларда «валютачи»лар қўлга олинмоқда
Бош прокуратура ҳузуридаги Департаментнинг Тошлоқ туман бўлими томонидан тадбир ўтказилган.
Унда валюта айирбошлаш билан шуғулланиб келган С.Н. (муқаддам судланган) жами 3 400 АҚШ долларини фуқаро М.Э.га 38,5 млн сўмга сотган вақтида ашёвий далиллар билан ушланган.
Шу каби, Департаментнинг Бандихон туман бўлими томонидан ўтказилган тадбирда, валюта айирбошлаш билан шуғулланиб келган Б.Э. (муқаддам судланган) жами 3 000 АҚШ долларини фуқаро У.Ш.га 34 млн сўмга сотган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter