Бош прокуратура ҳузуридаги Департаментнинг Чирчиқ шаҳар бўлими томонидан ИИБ ходимлари билан ҳамкорликда тезкор тадбир ўтказилган.

Унда валюта айирбошлаш билан шуғулланиб келган фуқаролар А.Г., Д.Б., Ш.Х. ва бошқалар жами 25 000 АҚШ долларини фуқаро М.А.га 283,4 млн сўмга сотган вақтларида ашёвий далиллар билан ушланганлар.

Худди шундай, Департаментнинг Наманган вилоят бошқармаси томонидан ўтказилган тезкор тадбирда, Наманган шаҳрида валюта айирбошлаш билан шуғулланиб келган Б.У. фуқаро Н.В.га 6 300 АҚШ долларини 71,8 млн сўмга сотган вақтида ашёвий далиллар билан ушланган.

Департаментнинг Вобкент туман бўлими томонидан ўтказилган тезкор тадбирда эса, валюта айирбошлаш билан шуғулланиб келган М.Т (муқаддам валюта қимматликларини қонунга хилоф равишда ўтказганлиги учун маъмурий жавобгарликка тортилган) фуқаро Б.М.дан жами 1 100 АҚШ долларини 12,4 млн сўмга сотиб олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.