Ўзбекистон «Миллий тикланиш» демократик партияси фаолиятида ҳам ҳақиқий маънода ўзгариш ва янгиланишлар даври бошланди. 2020 — 2025 йилларга мўлжалланган янги сайловолди Платформа электорат, партия фаолиятига бефарқ бўлмаган олимлар, ижодкор, эксперт ва мутахассислар фикр-мулоҳазаси, таклифлари инобатга олинган ҳолда қайта ишлаб чиқилиб, мукаммал ҳолатга келтирилди.

«Миллий тикланиш»нинг энг асосий ғояси аввало жамиятда миллий онг, миллий тафаккурни юксалтириш. Одамларни «ИНСОННИ ЎЗГАРТИРМАСДАН, ЖАМИЯТНИ ЎЗГАРТИРИБ БЎЛМАЙДИ» деган умуммиллий ғоя атрофида  бирлаштириб, «МИЛЛИЙ ТИКЛАНИШДАН — МИЛЛИЙ ЮКСАЛИШ САРИ» дадил қадам ташлашга руҳлантиришдир.

ЮКСАК МАЪНАВИЯТГА ТАРБИЯ ОРҚАЛИ ЭРИШИЛАДИ деганларидек, ЎзМТДП фарзандларимиз таълим-тарбиясини энг асосий вазифа сифатида билади. Фарзанд тарбиясига аввало ота-она масъул. Мактабгача таълим муассасаларид таълим эмас, тарбия устуворлик бўлиши зарур. Чунки ТАРБИЯСИЗ БОЛАГА ТАЪЛИМ БЕРИБ БЎЛМАЙДИ.

ҲУРМАТЛИ САЙЛОВЧИЛАР! Ўзбекистон «Миллий тикланиш» демократик партияси учун сайловда иштирок этиш – бу, энг аввало, ўзининг сайланган вакиллари орқали давлат ва жамият ишларини бошқаришда фаол иштирок этишни англатади.

Партиямиздан кўрсатилган номзодларнинг ҳокимият вакиллик органларига сайланиши, бу нафақат сайловчиларнинг юксак ишончи, балки Юрт тинчлиги, Ватан тараққиёти ва Халқ фаровонлиги йўлида фаол ва фидокорона меҳнат қилишга шайланган бўлажак депутатларга берилган имкониятдир.

Партиядан ҳокимият вакиллик органларига кўрсатилган депутатликка номзодларнинг ушбу 2020-2024 йилларга мўлжалланган сайловолди Дастури ва ундаги ташаббуслар жонажон Ватанимизни биргаликда тараққий эттиришга таклифдир.

Ўзбекистон «Миллий тикланиш» демократик партиясининг 2020-2024 йилларга мўлжалланган сайловолди Дастурида белгиланган барча йўналишлар бўйича ташаббуслар – бу ислоҳотларни сифат жиҳатдан янги босқичга кўтаришнинг дебочаси эканинини алоҳида таъкидлаймиз.

Партиямиз аниқ ва самарали натижаларга эришиш учун барчангизни шу азиз ва бетакрор Жонажон Ўзбекистонимиз равнақи йўлида бор куч ва билимингизни сафарбар этиб, фидокорона меҳнат қилишга, ташаббускор бўлишга чорламоқда.

Ишонинг, Ўзбекистон «МИЛЛИЙ ТИКЛАНИШ» демократик партияси номзодларига берган овозингиз — бу Сизнинг оқилона танловингиз!

Тараққиётга биргаликда борамиз, истиқболни ҳамжиҳатликда барпо этамиз! БИРМИЗ! ҚЎЛНИ ҚЎЛГА БЕРАМИЗ!

ЎЗБЕКИСТОН «МИЛЛИЙ ТИКЛАНИШ» ДЕМОКРАТИК ПАРТИЯСИ НОМЗОДЛАРИГА ОВОЗ БЕРИНГ!

Реклама ҳуқуқи асосида