«Шаффоф имтиҳонлар сабаб 241 талаба имтиҳондан йиқилди» — «Низомий» ректори
Низомий номидаги Тошкент давлат педагогика университетида шаффоф имтиҳонлар сабаб 241 нафар талаба кейинги босқичга ўтолмаган. Бу ҳақда Тошкент давлат педагогика университети ректори Алишер Умаров маълум қилди.
«Бутун мамлакатни рақамлаштириш деганда олий таълим муассасалари бу борада энг илғор бўлиши керак. Рақамлаштириш орқали бюрократия ва коррупцияни қисқартирамиз.
Коррупцияни қисқартириш бўйича мисол: биз жорий ўқув йилида биринчи марта барча битирув имтиҳонлари, диплом ҳимоя ишларини очиқдан-очиқ You Tube орқали барчага тақдим этиб ўтказдик.
Шунда бир ҳолат намоён бўлдики, олдинги ўқув йилларида битирув имтиҳонларидан йиқилганлар жудаям оз бўларди: 7 та ёки 10 та. Бу йил эса 241 та талаба имтиҳондан ўтолмади. Бунга сабаб биз уларнинг билим сифати, малака ва мутахассислигига жавоб берамиз», — дейди у.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter