Коронавирус: АҚШда вазият аянчли тус олмоқда
АҚШда илк бор бир кеча-кундузда 90 мингдан ортиқ кишида коронавирус ҳолати аниқланди. Бу ҳақда «NBC News» хабар берган.
Ўтган бир кеча-кундузда АҚШда 90 456 та янги COVID-19 ҳолати қайд этилди, 982 киши ҳаётдан кўз юмди. Бундан олдинги рекорд тунов куни ўрнатилганди: ўшанда қарийб 10 минг кишига камроқ эди — 80 622.
28 октябрь куни АҚШ ҳукумати бир ҳафта ичида ярим миллионга яқин COVID-19 ҳолати қайд этилганини маълум қилганди. Бундай вазият Америка штатлари янгидан-янги чеклов қоидаларини жорий этиш фонида кузатилмоқда. Гап айрим шаҳарларда комендантлик соатларининг жорий этилиши ва қаҳвахона, ресторан ва барларда таом тановул қилиш тақиқланиши ҳақида кетмоқда.
АҚШда жами қарийб 9 миллионта коронавирус ҳолати рўйхатга олинди. 229 минг бемор вафот этди, 3,6 миллион киши тузалди. Мамлакат касалланганлар ва ўлим сони бўйича дунёда биринчи ўринни эгалламоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter