Мунтазам ва тез-тез қаҳва ичиш оқибатида кофеиннинг тинчлантириш хусусияти тескари натижа бериши ва тонусни пасайтириб, уйқучанликни ошириши мумкин.

«Қаҳва бу жиҳатдан наркотикларга ўхшайди. Организм ўрганиб қолади. Кофеиннинг асосий таъсири — аденозин рецепторларини блоклаш, бунинг натижасида чарчоқ сезилмайди ва организм фаол ишлашда давом этади. Бироқ кофеинни сурункали истеъмол қилиш оқибатида аденозин ўз рецепторларига боғлана олмайди. Бунга жавобан мияда янги аденозин рецепторлари синтезланади. Оқибатда қаҳвани ҳар қанча кўп ичмасин, инсонни чарчоқ ва уйқу босаверади. Шунинг учун ҳам кофени жуда кўп ичиш тавсия қилинмайди — унинг ўзи эмас, кўпи зарарли», — деди Россиядаги доктор Исаев килиникаси бош шифокори, шифокор-нарколог Даниил Петров.

Унинг айтишича, бунга «30-километр эффекти» деган ҳаётий кузатув ҳам бор.

«Кузатувларга кўра, юк машиналари ҳайдовчилари ўртасида энг кўп авариялар йўлнинг 30-километри ва 50-километри оралиғида юз беради. Сабаби — қаҳвага «ишониш», ундан тетиклантирувчи натижа кутилади, аммо акси юз беради: кофе ҳаддан зиёд кўп ичилгани учун «ишлаш»дан тўхтайди», — деди мутахассис.