Валюта қимматликлари савдоси билан шуғулланиб келган шахслар ушланди. 

Бош прокуратура ҳузуридаги Департаментнинг Бухоро шаҳри бўлими томонидан тезкор тадбир ўтказилган. Унда валюта айирбошлаш билан шуғулланиб келган фуқаро Ш.Р. фуқаро М.Р.дан жами 350 000 Россия рублини 54,7 сўмга сотиб олган вақтида ашёвий далиллар билан ушланган.

Шу каби, Департаментнинг Хонқа ва Янгибозор тумани бўлимлари томонидан ўтказилган тезкор тадбирларда фуқаро А.О. фуқаро Р.М.га 12 000 АҚШ долларини 152,4 млн сўмга сотган вақтида, фуқаро Б.С. фуқаро У.М.га 3 800 АҚШ долларини 48,3 млн сўмга сотган вақтида ашёвий далиллар билан ушланганлар.

Департаментнинг Яккасарой туман бўлими ва ИИББ ходимлари ҳамкорлигида ўтказилган тезкор тадбирда валюта айирбошлаш билан шуғулланиб келган А.Ғ. фуқаро Ш.К.га 3 500 АҚШ долларини 44,3 млн сўмга сотган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.