Каталония полицияси «Барселона» президентини коррупцияда айбламоқда
Каталония полицияси «Барселона» футбол клуби президенти Хосеп Бартомеуни коррупцияда айбламоқда, деб ёзади испанларнинг «El Mundo» газетаси.
Тергов хулосасига кўра, Бартомеу клуб номидан амалга оширилган келишувлар учун пул олган. Полиция, шунингдек, «Барселона» президентини қарши турувчиларга нисбатан репутацион ҳужум қилишда айбламоқда. Улар орасида жамоанинг амалдаги ўйинчилари Лионель Месси ва Жерар Пике ҳамда «Барселона»нинг собиқ футболчилари Хави ва Карлес Пуйоль ҳам бор.
Айбловчи томоннинг таъкидлашича, репутацион кибератака бўйича кампанияга тўловни Бартомеу тасдиқлаган: унинг нархи бозор нархидан олти баравар қиммат. Клуб президентга қўйилган барча айбловларни рад этмоқда.
Хосеп Бартомеу 2014 йилдан бери «Барселона» президенти лавозимини эгаллаб келмоқда. Жамоа сардори Лионель Месси уни бир неча марта танқид қилган, ҳатто, раҳбарият билан келишмовчиликлари туфайли клубни тарк этмоқчи ҳам бўлган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter