Маҳкумни ҳибсдан чиқариш эвазига 8 минг доллар сўраганлар қўлга олинди
Бош прокуратура ҳузуридаги Департамент ҳамда ДХХнинг Тошкент вилояти бошқармалари томонидан тезкор тадбир ўтказилган.
Унда фуқаро Б.Ю. манзилли колонияда жазо муддатини ўтаётган маҳкум Ш.ни танишлари орқали озодликка чиқариб бериш эвазига 8 000 АҚШ долларини фирибгарлик йўли билан олган вақтида ашёвий далиллар билан ушланган.
Шунингдек, Б.Ю.нинг кўрсатувига асосан давом эттирилган тадбирда, унинг шериклари Х.Х. ва А.Т.лар юқоридаги ҳолатни ижобий ҳал қилиб бериш эвазига 8 000 АҚШ долларини фирибгарлик йўли билан олган вақтида ашёвий далиллар билан ушланганлар.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter