Ўзбекистон бозорига яқинда кириб келган MDC брендининг смартфонлари харидорларга маъқул келмоқда. Унинг навбатдаги модели – «Optima» русумли телефони ҳам шу муваффақиятли юришни давом эттиришга тайёр.

Смартфонга мос қадоқ

Қутига тўлиқ жамланма жойланган: қурилманинг ўзидан ташқари, силикон ғилоф ва экран учун ҳимоя шишаси ҳам ўрин олган. Жамланмадаги қувватлаш ускунасининг USB-кабели олинади ва уни компьютерга улаш мумкин. Жамланма таркибида MDC брендли қулоқчин ҳам мавжудлиги харидорларни қувонтириши аниқ. Қутига смартфоннинг кафолат талони ҳамда инглиз, рус ва ўзбек тилларидаги фойдаланиш йўриқномаси ҳам жойланган.

Бақувват корпус

Мустаҳкам бўлишини назарда тутган ҳолда ишлаб чиқарувчи «MDC Optima» моделини металл корпусда чиқарган. Унинг корпуси очилмайди, SIM-карталар ҳамда «MicroSD» бўлмачаси юқори қиррадан жойланади. Аксарият смартфонлардан фарқли равишда, «MDC Optima» моделида ташқи бошқарув тугмачалари корпуснинг ўнг эмас, балки чап томонида жойлашган.

Орқа панелда камера датчиги, унинг остида фоточақноқ, ундан ҳам пастда – бармоқ изи сканери чиройли жойлашган. Умуман, «MDC Optima»нинг ташқи кўриниши «Xiaomi»нинг яқиндагина тақдим этилган «Redmi 5 Plus» смартфонини эслатади. Орқа панелнинг пастроғида бўртиқ ёзувда бренд номи туширилган.

«MDC Optima» корпусининг ўлчамлари 151,9х73,3х9,5 миллиметрга, вазни эса 172 граммга тенг.

Замонавий экран

MDC брендининг «Optima» телефони 5,7 дюймлик IPS-экран билан жиҳозланган, унинг икки чеккасидаги ромлари энсиз. Томонлари ўзаро 18:9 нисбатда – буниси ҳозир урфга кирган.

Смартфоннинг дисплейи «Infinity display» турида, унинг тасвир аниқлиги 1440х720 пикселли, яъни HD форматида. Экраннинг рангларни узатиши жуда яхши, қиялатиб қараганда ҳам тасвир ўз сифатини йўқотмайди.

«Кўз»лари ўткир!

«MDC Optima» смартфони 13 мегапикселли модулга ҳамда LED-чақноққа эга бош камера билан жиҳозланган. Селфи учун эса 5 мегапикселли олд камера ажратилган.

Қурилманинг камералари дастурий таъминоти ҳам яхши ишланган – унда ҳар хил режимларда суратга ҳамда видеога тушириш мумкин.

Дарвоқе, камералар орқали олинган фотосуратлар, видеоларни сақлаш учун унинг 16 гигабайт ҳажмга эга доимий хотираси камлик қилса, телефонга «MicroSD» форматидаги хотира картасини қўйиш имкони бор.

Тўртинчи авлод алоқаси

Ушбу смартфон иккинчи, учинчи ва тўртинчи авлод (2G/3G/4G) уяли алоқа тармоқларида ишлаш имкониятига эга. Ҳозир юртимиздаги алоқа операторлари янги стандартларни тобора кенг жорий этиб бораётганини ҳисобга олсак, LTE тармоғини қўллаб-қувватловчи «MDC Optima» каби қурилмаларнинг аҳамиятини англаш қийин эмас.

Аксарият смартфонларда бўлгани каби, «MDC Optima» ҳам иккита SIM-карта билан ишлай олади. Бугунги кунда Ўзбекистон шароитида буниси ҳам муҳим.

Техник таъминоти тузуккина

«MDC Optima» девайсига 1,3 гигагерц такт частотасида ишловчи тўрт ядроли процессор ўрнатилган. Самарадорликни таъминлашда унга 2 гигабайтлик оператив хотира ёрдамга келади.

Смартфон сунъий йўлдош орқали навигация учун GPS/AGPS модули, шунингдек, симсиз алоқанинг «Wi-Fi» ҳамда «Bluetooth» интерфейсларини қўллаб-қувватловчи модуллар билан жиҳозланган. Унинг қувват манбаи эса 3000 мА/соат сиғимли батареяси ҳисобланади.

Шундай қилиб...

MDC брендининг «Optima» смартфони бугунги кун талабларига жавоб бера олувчи, мустаҳкам алоқа воситасидир. У «Android 7,0 Nougat» операцион тизимида ишлайди.

Мазкур смартфон эгаси ундаги шахсий маълумотларининг махфийлигини таъминлаш учун график калит, пароль ёки кодли сўздан фойдаланиши мумкин. Шунингдек, «MDC Optima»да замонавий биометрик усул – фойдаланувчи шахсини бармоқ изи сканери орқали тасдиқлаш технологияси ҳам жорий қилинган.

Ўзбекистон бозорида тобора ўз ўрнига эга бўлиб келаётган MDC брендининг навбатдаги телефони – мустаҳкам ва кўркам «Optima» юртдошларимиз учун оптимал танлов бўла олади. Айтганча, MDC брендининг смартфонларига ишлаб чиқарувчи томонидан 1 йиллик кафолат хизмати ҳам кўрсатилади.

«Facebook: www.facebook.com/mdcmobileuzbekistan
«Telegram»: https://t.me/mdc_mobile_uzbekistan
«Instagram»: https://www.instagram.com/mdcmobileuzbekistan

Реклама ҳуқуқи асосида