Прокуратура уч жойда валютафурушларни қўлга олди
Валюта қимматликлари савдоси билан шуғулланган шахслар ушланди.
Бош прокуратура ҳузуридаги Департаментнинг Фурқат тумани бўлими томонидан тезкор тадбир ўтказилган. Унда валюта айирбошлаш билан шуғулланиб келган У.В. фуқаро М.Х.га 4 000 АҚШ долларини 55,1 млн сўмга сотган вақтида ашёвий далиллар билан ушланган.
Шу каби, Департаментнинг Навоий вилояти бошқармаси ва ИИБ ходимлари ҳамкорлигида ўтказилган тезкор тадбирда фуқаро Р.А. фуқаро Ш.С.га 4 000 АҚШ долларини 50 млн сўмга сотган вақтида ашёвий далиллар билан ушланган.
Департаментнинг Кўкдала тумани бўлими томонидан ўтказилган тезкор тадбирда фуқаро Ш.Ҳ. “Хўжаобод” МФЙ ҳудудидаги савдо дўконида фуқаро С.Т.дан 3 800 АҚШ долларини 47,1 млн сўмга сотиб олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят ишлари қўзғатилиб, тергов ҳаракатлари ўтказилмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter