Трамп ва Макрон эккан эман дарахти қаерда?
Германиянинг «Bild» («Сурат») газетаси Франция президенти Эммануэл Макроннинг АҚШга ташрифининг биринчи куни Доналд Трамп билан Оқ уй боғида эккан эман кўчати суғуриб ташланганини маълум қилди.
Хабарда дўстлик кўчати ўрнида сариқ доғ қолгани ёзилган. Журналистлар икки давлат раҳбарининг ОАВ вакиллари кўз ўнгида кўчат экиши сценарий эканини ёзган.
Иккинчи жаҳон уруши даврида немисларга қарши французлар билан бирлашган АҚШга раҳмат сифатида ўтқазилган кўчат экилганига бир ҳафта ўтмасдан суғуриб ташланган. Айни пайтда кўчат қаерга ўтқазилгани номаълумлигича қолмоқда.
Эман дарахти Биринчи жаҳон урушида 2 минг АҚШлик аскарнинг ҳалок бўлган жойи – Франция шимолидаги ўрмондан олингани билан аҳамиятлидир.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter