Россияда 2025 йил бошидан буён 1,2 минг менингит ҳолати қайд этилган, бу бутун 2024 йилдаги кўрсаткичдан икки баравар кўпдир. Бу ҳақда “Известия” нашри хабар берди.

Мутахассисларнинг фикрича, 2025 йилда менингококк инфекциясининг А, B ва C умумий шакллари билан касалланиш даражаси ошган ва 1266 та ҳолат қайд этилган. Энг кўп инфекция апрел ойида содир бўлган. Шу билан бирга, турли ҳудудларда менингококк инфекциясининг турли хил серотиплари аниқланади.

Менингит бўйича Москва етакчилик қилмоқда, рўйхатга олинган ҳолатларнинг ярмидан кўпи пойтахтга тўғри келади.

Вояга етган аҳоли орасида менингококк инфекциясининг гуруҳли эпидемиялари кўпайганлиги қайд этилган, касалланганларнинг қарийб 60 фоизи меҳнат муҳожирларидир. Шу муносабат билан мутахассислар муҳожирларни эмлашни кучайтиришни, шунингдек, болаларни мактабгача ва биринчи курс талабаларига эмлашни тавсия этишни таклиф қилмоқдалар.

Аввалроқ, Россияда 2024 йилда менингококк инфекциясидан ўлим даражаси 15 фоизни ташкил этгани, эмланганлар, яъни эмлаш орқали ёки касалликдан кейин иммунитет шаклланган шахслар сони сезиларли даражада камайди. Бу ҳақда Роспотребнадзорнинг “Россия Федерациясида 2024 йилда аҳолининг санитария-эпидемиологик осойишталиги ҳолати тўғрисида”ги ҳисоботида маълум қилинган.