Xorazmdagi kanalda cho‘kib ketgan 19 yoshli yigitning jasadi topildi
Bugun, 10-iyun kuni Xorazm viloyati Favqulodda vaziyatlar boshqarmasiga Xonqa tumanidagi «Shovot» kanalida 19 yoshli yigit cho‘kib ketgani haqida xabar kelib tushdi.
Ushbu holatga uning ehtiyotsizligi sabab bo‘lgani taxmin qilinmoqda, deyiladi FVV xabarida.
Xabar yuzasidan viloyat Favqulodda vaziyatlar boshqarmasi qutqaruvchilari voqea joyiga yetib borgan. Suvda-qutqaruv guruhi tomonidan amalga oshirilgan qidiruv ishlari natijasida hodisa sodir bo‘lgan hududdan fuqaro A.S. ning jasadi topilgan.
Yuzaga kelgan vaziyatdan kelib chiqib, Favqulodda vaziyatlar vazirligi ota-onalar tomonidan o‘z bolalarini qarovsiz qoldirmasligini hamda shaxsiy xavfsizlik qoidalariga rioya etishlarini so‘ragan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter