18-dekabrda sayyoramizning turli nuqtalarida yuz bergan muhim voqea-hodisalar fotosuratlarda.

Filippinda yuz bergan tayfun oqibatida 33 kishi halok bo‘ldi. Sinoptiklar tayfun Vetnam tomon yo‘nalish olganini xabar berishdi.

Hindiston yadroviy kallakni olib uchishga mo‘ljallangan yangi avlod ballistik raketasi — «Agni P»ni sinovdan muvaffaqiyatli o‘tkazdi. Raketa Bengal ko‘rfazidagi Abdul Qalam orolidan uchirilgan.

Serbiyada mamlakatning ekologik siyosatiga qarshi norozilik namoyishi bo‘lib o‘tdi. Ekofaollar litiy qazib olinishini tox’tatishni talab qilishmoqda.

«Tolibon» harakati bugun, shanba kuni bayonot berishicha, Afg‘onistonda fuqarolarga pasport berish tiklangan. Ma’lumotlarga ko‘ra, hozircha oldin ariza topshirganlarga pasport beriladi. Yangi arizalarni qabul qilish 2022-yilning 10-yanvaridan boshlanadi.

Parijning Yelisey maydonida Yangi yil kechasiga bag‘ishlangan tadbirlar bekor qilindi. «Omikron» shtammi keng tarqalishining oldini olish maqsadida ushbu qarorga kelingan.

Misr koronavirusga qarshi emlanmaganlarning mamlakatga kirishiga cheklovlar joriy etdi.

Dunyodagi eng keng muzlikda darzlar paydo bo‘ldi, 2031-yilga borib u parchalanib ketishi mumkin. G‘arbiy Antarktidada joylashgan Tueyts muzligi «Oq qit’a»dagi eng tez harakatlanuvchi va nobarqaror muzlik. Uning erishi shu paytgacha Dunyo okeani sathi o‘sishining 4 foizini ta’minlagan.

«Soyuzmultfilm» «Senimi, shoshmay tur!» multseriali yangi talqinining dastlabki to‘rt seriyasini taqdim etdi.