29-dekabrda sayyoramizning turli nuqtalarida yuz bergan muhim voqea-hodisalar fotosuratlarda.

Xitoy Yer atrofi orbitasiga «Tianhui-4» ilmiy-tajriba yo‘ldoshini olib chiqdi.

Isroil mudofaa vaziri Beni Gans Falastin rahbari Mahmud Abbosni qabul qildi. Bu Falastin rahbarining 2010-yildan beri Isroilga ilk tashrifi.

Tomonlar xavfsizlik masalalarini va 2014-yilda boshi berk ko‘chaga kirib qolgan tinchlik bo‘yicha muzokaralarni davom ettirish imkoniyatlarini muhokama qilishgan.

2022-yilda Ozarbayjonda uch million tup daraxt ekiladi. Bu haqda Ekologiya va tabiiy resurslar vazirining o‘rinbosari Vugar Kerimov ma’lum qildi.

Ma’lumot uchun: 2021-yilda Ozarbayjonda ikki million tup daraxt ko‘chati yerga qadalgan.

Afrikada hafta davomida COVID-19 oqibatida o‘lim holatlari 72 foizga ko‘paydi.

Ilon Mask «Tesla» aksiyalarining yana salkam milliontasini sotdi: 934 090 dona aksiya $1,02 mlrd.ga baholandi.

«Apple» kompaniyasi eng yaxshi muhandislariga, raqobatchi kompaniyalarga o‘tib ketmasliklari uchun, katta miqdorda «bayram puli» berdi. «Bloomberg» yozishicha, ayrimlar 50 ming, ba’zilar 180 ming dollardan pul olgan.

Kobul universiteti talabalarining bitiruv marosimi.

Shimoliy Kaliforniya tog‘larida qalin qor yog‘di.