«Barselona» Ispaniya chempionatining so‘nggi turida «Levante»ga imkoniyatni boy berib qo‘ydi.

Kataloniya klubi mavsumni mag‘lubiyatsiz yakunlashga juda yaqin kelgan edi — bunaqasi zamonaviy ispan futbolida kuzatilmagan. «Atletik» (1929/30) va «Real Madrid» (1931/32) chempionatni mag‘lub bo‘lmay tugatganda La liga o‘yinlari 38 emas, 18 tur davom etgan edi.

«Barselona» so‘nggi bor 2017 yilning 8 aprelida «Malaga»ga yutqazgan edi.

Kechagi o‘yinning 56-daqiqasiga qadar «Barselona» 1:5 hisobida yutqazayotgan edi. Ammo 15 daqiqa ichida hisob 4:5gacha qisqardi. Ammo durangga erishish kataloniyaliklarga nasib etmadi.

Levante – Barselona 5:4 (2:1, 3:3)
Gollar: 1:0 – 9 Boateng, 2:0 – 30 Boateng, 2:1 – 38 Koutino, 3:1 – 46 Bardi, 4:1 – 49 Boateng, 5:1 – 56 Bardi, 5:2 – 59 Koutino, 5:3 – 64 Koutino, 5:4 – 71, penalti Suares.
Levante – Olasabal, Koke, Postigo, Rober, Luna, Morales (Rochina, 85), Kampanya, Lukich, Bardi, Marti (Lerma, 69), Boateng (Patssini, 77).
Barselona – ter Stegen, Nelson Semedu, Mina, Vermalen (Pike, 31), Alba, Rakitich, Buskets, Dembele (Pako Alkaser, 60), Inesta (Denis Suares, 60), Koutino, Suares.