Iqtisodiyot va sanoat vazirining birinchi o‘rinbosari sifatida ishlab kelgan Ravshan G‘ulomov O‘zbekiston Respublikasi prezidentining iqtisodiyot, investitsiya va tashqi savdo masalalari bo‘yicha maslahatchisi etib tayinlangan.

Ravshan G‘ulomov (1968-yilda tug‘ilgan) Toshkent davlat universiteti (1992) va Avstraliya milliy universitetini (1998) tamomlagan. 

Turli yillarda Markaziy bank raisi birinchi o‘rinbosari (2001-2004), O‘zbekiston Milliy banki raisi birinchi o‘rinbosari (2004-2006), «Asaka» bank raisi (2006-2007), Moliya vaziri birinchi o‘rinbosari (2009-2010), Iqtisodiyot vaziri (2010-2011), Tashqi iqtisodiy aloqalar, savdo va investitsiya vaziri (2011-2012), O‘zbekiston Respublikasi Tiklanish va taraqqiyot jamg‘armasi ijrochi direktori (2012-2017), Xususiylashtirilgan korxonalarga ko‘maklashish va raqobatni rivojlantirish davlat qo‘mitasi raisi (2017-2018),  Vazirlar Mahkamasining Makroiqtisodiy tahlil va prognozlashtirish, moliya va bank tizimlarini isloh qilish, xususiy tadbirkorlik va kichik biznesni rivojlantirish masalalari yig‘ma axborot-tahlil departamentining mudiri (2018-2019) sifatida ishlagan. 2019 yilning yanvarida Iqtisodiyot va sanoat vazirining birinchi o‘rinbosari etib tayinlangandi. 

Eslatib o‘tamiz, avvalroq O‘ktamjon Karimov Iqtisodiyot va sanoat vaziri o‘rinbosari etib tayinlangani xabar qilingan edi.