Toshkentda bir ayolga tegishli ikki qimmatbaho mashina yonib ketdi (foto)
Toshkent shahrida 8-mart kuni tongda ko‘p qavatli uylardan birining oldidagi avtoturargohda qoldirilgan BMW X5 va Mercedes GLC avtomobillari yonib ketdi. Hodisa joyidan olingan video va fotolar ijtimoiy tarmoqlarda tarqalgan. Bu haqda «Daryo» xabar berdi.
Yong‘in nima sababda kelib chiqqani noma’lum, hodisa yuzasidan hozircha rasmiy axborot berilganicha yo‘q. Ijtimoiy tarmoqlarda tarqalgan suratlarda qimmatbaho avtomobillar qayta tiklab bo‘lmaydigan darajada zararlanganini ko‘rish mumkin.
Tasdiqlanmagan ma’lumotlarga ko‘ra, har ikkala mashina bir ayolga tegishli bo‘lgan.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter