Францияда ўқувчилар исёни тўхтамаяпти
Сен-Дени, Париж яқини. Юқори синф ўқувчилари исёни, 2026 йил 1 октябр.
Францияда мактабларнинг юқори синф ўқувчилари бошлаб берган норозилик намойишлари оммавий тартибсизликларга айланиб кетди.
Париж яқинидаги Кретей лицейида бир ҳафта аввал бошланган намойиш бутун мамлакат юқори синф ўқувчиларини оёққа турғизди. Тартибсизликлар 1000 дан ортиқ лицейни ёки барча юқори синф мактабларининг тўртдан бир қисмини қамраб олди.
Мактаб ўқувчилари кўпроқ ўқитувчилар ажратилишини, молиялаштиришни ва ўқиш учун шароитларни яхшилашни талаб қилишмоқда.
Аммо лицейларни вайрон қилаётган, машиналар ва биноларга ўт қўяётган, хавфсизлик кучларига тош улоқтириб, педагогларни калтаклаётганлар ҳам шу ўсмирлар. Ҳозиргача мактабларнинг 65 ходими, жумладан 40 нафар директор жароҳатлангани ҳақида хабарлар бор.
Турли маълумотларга кўра, ҳафта давомида 5 мингга яқин исёнчи қўлга олинган, 400 га яқин лицей ёпилган.
Франция ортидан ўқувчилар иштирокидаги тартибсизликлар Белгияда ҳам бошланиб кетди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter