Қўшма Штатлар Украинага F-16 қирувчи самолётларини бермайди
АҚШ президенти Жо Байден Америка томони Украинага F-16 қирувчи самолётларини етказиб бермаслигини айтди. Бу ҳақда ТАСС ёзмоқда.
Жо Байден Оқ уйдаги журналистлар билан учрашувда уларнинг «Вашингтон Киевга қирувчи самолётлар юборадими», деган саволига «Йўқ» деб жавоб берган.
27 январь куни АҚШ Мудофаа вазирлиги F-16 самолётларини Украина қўшинларига топширишга рухсат берган эди. Пентагон матбуот котиби ўринбосари Сабрина Сингхнинг аниқлик киритишича, Вашингтон қурол етказиб бериш масаласини кўриб чиқишдан воз кечмоқчи эмас.
Маълумот учун, ўтган ҳафта АҚШ расмийлари Киевга 31 та «М1 Абрамс» танкини топшириш ниятида эканлигини эълон қилганди. Ўз навбатида, Германия ҳукумати Украинага Германия қуролли кучлари захирасидан 14 та «Леопард 2» танкини жўнатишини ва бошқа давлатларга реэкспорт қилиш учун рухсат беришини тасдиқлади. Буюк Британия, Норвегия, Польша, Словакия ва Франция ҳам танкларни Украинага ўтказиш ниятида эканлигини билдирган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter