Исроил элчиси Симоне Ҳалперин Россия Ташқи ишлар вазирлигига келди. Дипломат айрим қабул қилиб бўлмайдиган баёнотлари туфайли департаментга чақирилган, деб ёзади «РИА Новости».

«Элчининг машинаси ҳозиргина Россия Ташқи ишлар вазирлиги биносига етиб келди», — дейилади бугунги хабарда.

Бунгача вазирлик Исроил элчисининг Россия ташқи сиёсатидаги ёндашувлари ва тарихий воқеликни бузиб кўрсатувчи баёнотлар билан чиққанини қайд этган эди. Департамент бу баёнотларни дипломатик миссиянинг «ўта муваффақиятсиз» бошланиши деб ҳисоблади.

Бир кун аввал «Коммерсант» газетасига берган интервюсида Симона Халперин Россиянинг Яқин Шарқдаги сиёсатидан норозилигини билдирди. Дипломатнинг сўзларига кўра, Россия раҳбарияти, жумладан, президентлар даражасида ҳам мамлакат хавфсизлиги Россия Федерациясининг стратегик манфаатларидан бири эканлигини бир неча бор таъкидлаган.

Эслатиб ўтамиз, Ғазо муаммосида Россия кўпроқ Фаластин томонида тургани расмий Тел-Авивга хуш келмаяпти. Ҳатто ҲАМАС вакиллари икки марта Москвага ташриф буюрди. Исроил эса бунга кескин норозилик билдирди.