Собиқ президент: Европа иттифоқини бузиш ва қайта тузиш керак
Европа иттифоқини ҳозирги аҳволида ривожлантиргандан кўра, уни тугатиб, қайтадан тузган маъқул. Польшанинг собиқ президенти Лех Валенса шундай фикр билдирди.
Сиёсатчининг фикрича, аъзо-мамлакатлар бир ёқадан бош чиқара олмаётгани ЕИ тараққиётига тўғаноқ бўлмоқда. Валенсанинг назарида, ЕИ аъзоларининг сиёсий қурилма борасидаги қарашлари бошқа-бошқа.
«Евроиттифоқ тарихига қарасак, ҳозиргидан анча бошқача шароитларда тузилганди. Агарда унинг таркибидаги давлатлар ҳар томонга қараб интилаверса иттифоқни сақлаб қолишнинг имкони бўлмаслиги ҳақида Германия ва Францияни мен анча йиллар олдин огоҳлантирганман, — дея таъкидлади Лех Валенса.
У блок мамлакатларига ЕИ га аъзоликка қайта ариза топширишни ва бажариш мажбурий бўлган барча ҳуқуқ ва мажбуриятлар рўйхатини тасдиқлашни таклиф этди.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter