Россияда доллар курси кескин оша бошлади
Инвесторларнинг дунё бозорларида хатарлардан чўчиши натижасида рублнинг қадри доллар ва еврога нисбатан тобора пасайишини кузатилмоқда. Бу ҳақда РИА Новости хабар берди.
Москва биржасида АҚШ доллари 57 тангага (копейка) ошиб, 68,19 рублни ташкил қилган. Евро эса 1,12 рублга кўтарилди ва 77,02 рублга етган.
Бу 2019 йил январ ойидан буён кузатилган энг максимал ошиш.
Россия Марказий банки томонидан дам олиш кунлари ва сешанба куни ўрналиган расмий курсларда доллар 1,3 рублга қимматлаб, 67,5 рублни ташкил қилди, евро эса 2,1 рублга ошиб, 75,84 рубл бўлган.
Қайд этилишича, коронавирус тарқалиши жаҳон иқтисодиётининг ўсиш суратларини секинлаштириши хавфини кучайтирди. Карантин чоралари дастлаб Хитойдаги корхоналар, экспортёрлар, талаб ва туризмга таъсир қилган бўлса, энди касаллик Европа таҳдид солмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter