Таниқли футбол агенти Райола шифохонага тушди, аҳволи оғир — ОАВ
Таниқли нидерланд-италян футбол агенти Мино Райола бугун Милан шифохоналаридан бирига оғир аҳволда келтирилди.
«La Gazzetta dello Sport» ёзишича, бугун, 12 январь куни тонгда Райола Сан-Раффаэле (Милан) шифохонасига келтирилиб, шошилинч жарроҳлик амалиёти ўтказилган.
54 ёшли агент айни пайтда шифокорлар назорати остида, аҳволи оғир, дейилмоқда. Райола қандай дардга чалингани ҳозирча номаълум.
Маълумот учун: Мино Райола — футбол оламида катта нуфузга эга агентлардан бири. «ПСЖ» ва Италия миллий жамоаси дарвозабони Жанлуижи Доннарумма, «Боруссия» (Дортмунд)нинг норвегиялик ҳужумчиси Эрлинг Ҳоланд, «Милан»нинг швециялик юлдузи Златан Ибрагимович, «Ювентус»нинг нидерландиялик ҳимоячиси Маттейс де Лигт, «Манчестер Юнайтед» ва Франция миллий жамоаси яримҳимоячиси Пол Погба ва бошқа кўплаб номдор футболчилар унинг мижозлари саналади.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter