Вьетнам полицияси мамлакат шимолидаги Жанубий Хитой денгизида жойлашган Халонг кўрфазида сайёҳлик кемасининг чўкиши сабабларини ўрганмоқда.

«Полиция қонунга мувофиқ ҳодиса сабабларини аниқлаш бўйича тезкор суриштирув ишларини олиб бормоқда», – деди провинция полицияси бошлиғи ўринбосари Ку Куок Тханг.

 Ку Куок Тхангнинг айтишича, чўкиб кетганларни қидириш учун барча воситалар сафарбар қилинади. Полиция ва фавқулодда вазиятлар кучлари 10 кишини қутқариб, 35 қурбоннинг жасадини топган. Зарурий суд-тиббий экспертиза ўтказилгандан сўнг, шу пайтгача топилган барча қурбонларнинг жасадлари дафн қилиш учун қариндошларига топширилган.

Сўнгги расмий маълумотларга кўра, тўрт киши ҳамон бедарак. Аниқланишича, борт рақами QN-7105 бўлган круиз кемаси бортида 49 киши (20 нафардан ортиқ болалар), жумладан 46 нафар сайёҳ ва 3 нафар экипаж аъзоси бўлган. Уларнинг барчаси Вьетнам фуқаролари.

Кучли шамол ва ёмғирли ноқулай об-ҳаво шароитида ҳалокат жойида қидирув-қутқарув ишлари тун бўйи давом эттирилди.