Номаълум фирибгарлар «Бухоро» футбол клуби номидан сохта таклифнома тайёрлаб, 17 ёшли африкалик футболчини 5 800 минг долларга чув туширди. Бу ҳақида «Buxoroisharif» нашри хабар бермоқда.

Маълумотларга кўра, Ғарбий Африка қитъасида жойлашган Кот-д’Ивуар давлат фуқароси Вамара Диаррассоуба исмли футболчини «Бухоро» ПФК раҳбарияти Ўзбекистонга таклиф қилган ва у билан шартнома имзолашга келишиб олган. Лекин аэропортида клуб масъуллари уни кутиб олмаган.

Ҳеч ким билан боғлана олмаган африкалик футболчи Тошкент аэропортида тунашга мажбур бўлган.

Қайд этилишича, африкалик футболчининг қўлида «Бухоро» профессионал клубининг собиқ раҳбари Муҳсин Муҳаммадиев номи билан имзоланган хат бор. Ҳужжатда 2023 йилнинг 4 май санаси кўрсатилган. М. Муҳаммадиев эса 3 йил аввал клуб раҳбарлигидан кетган. Шунингдек, мазкур «таклифнома» да бир нечта жиддий имловий хатолар ҳам мавжуд.

«Бухоро» ПФК таклифнома сохта эканлигини, аслида футболчи билан ҳеч қандай келишув бўлмаганини таъкидлади

«Ушбу чет эл фуқаросини футболчи сифатида (расмда Кот-дИвуарʼивуар Республикаси паспорти) Бухоро футбол клуби таклиф этгани ҳақиқатга яқин эмас. Расмда кўрсатилган таклиф қоғози «Бухоро» ПФКга тааллуқли эмас, яъни сохта ҳисобланади», – дейилади клубнинг расмий баёнотида.

Аниқланишича, ғарбий африкалик 17 ёшли футболчи $5 800 га яқин пулларини «Бухоро» номидан таклиф этган фирибгарлар ҳисобига ўтказиб берган.

Айни дамда эса Вамара Диаррассоуба пойтахт Тошкентдаги меҳмонхоналарнинг бирига жойлаштирилган.