«Герта» клуби «видеочи-футболчи»ни машғулотлардан четлатди
Берлиннинг «Герта» клуби Саломон Калуни машғулотлардан четлатди — у футболчилар қўл бериб кўришган видеони интернетга жойлаб юборган. Бу ҳақда клуб сайти хабар берди.
Кот-д`ивуарлик футболчи ижтимоий тармоққа жойлаган видеода кийиниш хонасида жамоа аъзолари ўртада масофани сақламасдан, қўл бериб кўришаётгани тасвирланган.
«Калу ўз видеоси билан «Герта»га зиён етказишдан ташқари, чемпионатни тиклаш масаласи кўрилаётган бир паллада ўйинчилар коронавирус билан боғлиқ масалага жиддий қарамаяпти, деган тасаввур уйғотиши мумкин», — дейилади клуб хабарида.
Саломон Калу клубдан кечирим сўраб, жамоадаги барча футболчиларнинг коронавирусга тести манфий чиққанидан хурсандлиги боис шу ишга қўл урганини маълум қилган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter