Falastinning G‘azo sektorida ulkan yong‘in sodir bo‘ldi. Qurbonlar bor
Kecha, 17-noyabr kuni tunda Falastinning G‘azo sektoridagi Jabaliya shahrida sodir bo‘lgan yong‘in oqibatida kamida 20 kishi halok bo‘ldi, Bu haqda RIA Novosti xabar berdi.
Mahalliy manbalarga ko‘ra, G‘azo sektori shimolidagi aholi zich joylashgan Jabaliya qochqinlar lageridagi turar-joy binosida yong‘in chiqqan. Hodisa oqibatida kamida 20 kishi halok bo‘lgan va yana bir necha kishi jarohatlangan.
Halok bo‘lganlar orasida bolalar ham bor. Voqea joyida bir qancha qutqaruv va o‘t o‘chirish brigadalari ishlamoqda. Yonayotgan binodan evakuatsiya qilingan jarohatlanganlar tibbiy yordam uchun Bayt Lahia shahriga olib ketilgan.
Falastin prezidenti Mahmud Abbos buni milliy fojia deb atadi va motam kuni e’lon qilinishini aytdi.
Izoh qoldirish uchun saytda ro'yxatdan o'ting
Kirish
Ijtimoiy tarmoqlar orqali kiring
FacebookTwitter