Дональд Трамп ҳарбий госпиталга ўтказилади
Коронавирусга чалинган АҚШ президенти Донльд Трамп «бир неча кунга» ҳарбий госпиталга ўтказилади. Бу ҳақда «РИА Новости» Оқ уй матбуот котиби Кейли Макианига асосланиб хабар берди.
Макиани Трампнинг «симптомлари енгил», «кайфияти яхши», «кун бўйи ишлагани»ни маълум қилди.
«Эҳтиёт чора сифатида ҳамда унинг шифокори ва тиббий экспертларнинг тавсиясига кўра, президент кейинги бир неча кун Уолтер Рид номидаги президент офисида (ҳарбий госпиталда жойлашган) ишлаб туради», — деди матбуот котиби.
Дональд Трамп коронавирусга топширган охирги тести мусбат чиққанини жума куни маълум қилганди. Унинг рафиқаси Меланья Трамп ҳам касалланган. Ҳар иккиси ҳам карантинга кирган. Трамп иштирокидаги барча сайловолди тадбирларини қолдириш ёки онлайн шаклга ўтказишга қарор қилинган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter