Си Цзинпин Путиннинг таклифини рад этгани айтилди
Россия президенти матбуот котиби Дмитрий Песков матбуот брифингида Хитой раҳбари Си Цзинпин Путиннинг таклифига биноан мамлакатга ташриф буюришдан бош тортгани ҳақидаги хабарларни изоҳлади.
«Бу мутлақо тўғри эмас. Гап шундаки, Хитойда коронавирус чекловлари давом этмоқда. Бу нормал ҳолат ва тўғри муносабатда бўлиш керак. Бу чекловлар юмшатилгандан сўнг, ташрифларни амалга оширишга имкон туғилади», — дейди Песков.
Аввалроқ Япониянинг Yomiuri газетаси ўз манбаларига таяниб, Си Цзинпин COVID-19 пандемияси туфайли Владимир Путиннинг ташриф бўйича таклифини рад этгани ҳақида хабар берган эди.
Таклиф 2022 йил 15 июн куни, Хитой раҳбарининг туғилган куни сабаб уюштирилган телефон мулоқотида бўлган. ХХР раиси коронавирус чекловлари сабаб яқин орада Россияга ташриф буюра олмаслигини айтган. Таъкидлаш жоизки, Си Цзинпин 2020 йил январдан буён хорижий давлатларга сафар қилмаган.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter