Эрон ковидга қарши иккинчи вакцинасини ҳам тақдим этди
Эрон ҳукумати коронавирусга қарши «Razi Cov Pars» вакцинаси лойиҳасини тақдим этди. Вакцина клиник синовлари тез кунларда бошланади. Бу ҳақда Эрон вакциналар бўйича миллий қўмитаси хабар берди.
«Вакцинани тез кунларда, узоғи билан бир ҳафтада, одамларда синашга киришамиз», — деди ушбу қўмита аъзоси Масъуд Сулаймоний.
Клиник синовларнинг илк босқичига 18 ёшдан 55 ёшгача 13 нафар кўнгилли жалб этилган.
Хабарларга кўра, Эрон коронавирусга қарши илк вакцинаси клиник синовларини 2020 йил декабрида бошлаганди.
Эрон ССВ маълумотига кўра, мамлакатда коронавирус қурбонлари сони 58 500 нафардан ошди. Айни пайтга келиб, форс мамлакатида коронавирус қайд этилганлар сони 1,4 миллион нафардан зиёдни ташкил этмоқда.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter