Манзил бўйича маълумотномаларни электрон тарзда олиш мумкинлигини биласизми?
Ягона порталнинг янги талқини.
Яқинда ягона интерактив давлат хизматлари порталининг янги талқинида (my2.gov.uz) Тошкент шаҳри бўйича манзил-маълумотларини бериш хизмати ишга туширилган эди.
Ҳозирда ушбу хизмат синов тартибида ишламоқда ва ундан фақат Тошкент шаҳри аҳолиси – жисмоний шахслар фойдалана олади.
Электрон буюртма юборилганидан сўнг, уни Тошкент шаҳри ИИББ манзил-тергов бюроси 5 кун мобайнида кўриб чиқади. Хизмат бепул тақдим этилади.
Яқинда ишга туширилганига қарамай, хизматдан 89 киши фойдаланишга улгурган. Статистика кўра, 84 кишининг буюртмаси ижобий ҳал қилинган, 5 нафариники рад этилган.
Эслатиб ўтамиз, хизматдан фақат my2.gov.uz порталида рўйхатдан ўтган фойдаланувчилар фойдаланиши мумкин.
Изоҳ қолдириш учун сайтда рўйхатдан ўтинг
Кириш
Ижтимоий тармоқлар орқали киринг
FacebookTwitter